Папата Лав XIV им се придружи на децата во Ватикан во виралниот тренд познат како  „6-7“, а видео од моментот беше објавено на „Тикток“ од италијанскиот свештеник и инфлуенсер Дон Роберто Фишер.

Видеото го прикажува папата како застанува до група деца на плоштадот Свети Петар и ја повторува фразата и гестовите со рацете што се дел од трендот.

Видеото, објавено од популарниот италијански свештеник, го прикажува него и група деца како велат „6-7“ на италијански додека папата се приближува кон нивната група. Потоа папата ја повторува фразата и ги изведува гестовите со рацете поврзани со виралниот тренд.

Инаку, трендот „6-7“ стана популарен на Тикток и другите социјални медиуми како еден вид интернет мем. Вклучува повторување на фразата „шест-седум“ со ритмички движења на рацете.

@donrobertofiscer Papa Leone 67 🇻🇦#sixseven #67 #chiesa #prete #donroberto ♬ som original – 🦋Nicolly_Brito🦋

Според речникот Меријам-Вебстер, тоа е бесмислена фраза што стана популарна кај децата и тинејџерите токму поради нејзината апсурдност и постојано повторување без никакво специфично значење.

Кристофер Хејл, демократски политичар кој се кандидираше за Конгресот во 2018 и 2020 година, исто така реагираше на видеото на платформата Икс.

„Лав XIV има широк културен дострел“, напишал Хејл.