Ќерката на пејачката Тамара Тодевска, Хана, има неверојатен музички талент, наследен од музичкото семејство на својата мајка. Дека добро игра, може да се види од бројните видеа кои Тамара ги објавува на својот Инстаграм профил, но дека одлично пее, е вистинско изненадување за следбениците на пејачката.

Имено, Тамара ја снимаше Хана додека го пее актуелниот хит „Die With A Smile“ од Лејди Гага и Бруно Марс, а на крајот од песната ја пофали за изведбата.

Тамара објави уште едно видео во кое може да се слушне како сите семејно уживаат во пеењето додека се возат во автомобил.

Инаку, Тамара од бракот со Александар ги има двете деца Хана и Дарен. По разводот, пејачката започна љубовна врска со архитектот Лука кој, како што вели, е нејзина голема љубов и поддршка.