Фудбалерите на Сампдорија славеа со 3:1 во најстарото дерби во Италија, „дерби дела Лантерна“ против Џенова во рамки на 17 коло од Серија А.

По поразот, Џенова за која настапува поранешниот капитен на македонската репрезентација, Горан Пандев, а од клупата ја предводи Андриј Шевченко, остана на претпоследното 19 место на табелата со 10 бода и во продолжение од сезоната ја очекува тешка борба за опстанок. Сампдорија се искачи на 14 место со 18 бода.

Човек на одлука беше напаѓачот на Сампдорија, Маноло Габијадини кој постигна два гола, првиот во седмата минута, а вториот во 67 минута за водство од 0:3. Претходно во листата на стрелци се запиша и Капуто.
Почесниот гол за Џенова беше дело на Матија Дестро во 78 минута. Горан Пандев ги одигра сите 90 минути за Џенова.