Кајли Џенер се најде на мета на критики откако промовираше производ на социјалните мрежи што некои го опишаа како лаксатив.

Порано овој месец, 28-годишната ријалити ѕвезда сподели видео со своите 60 милиони следбеници на Тикток во кое рекламира „желе за сечење“ – додаток во исхраната со вкус на калинка, пишува „Унилад“.

Во видеото, Џенер го опишува производот како „одличен“ и вели дека е нејзин „нов фаворит“ додека го консумира за време на подготовките.

– Ова не е само какво било желе, туку желе за варење и намалување на надуеноста – им рече таа на своите следбеници, пред да го покаже својот тесен фустан и да го продолжи видеото во својот автомобил, повторно јадејќи го истиот производ.

Таа додаде дека нејзината цел за новата година е да „грицка помалку“ и истакна дека желето содржи семе од чиа, кое е популарно поради влакната, омега-3 масните киселини и чувството на ситост.

Но, многумина од публиката реагираа бурно. Едно лице коментираше: „Неверојатно е неодговорно познатите личности да рекламираат додатоци во исхраната и лаксативи. Има толку многу деца и тинејџери кои ќе го земат ова здраво за готово.“

Други се потсетија на претходните трендови, наведувајќи: „Нејзините сестри промовираа лаксативи за рамен стомак, а сега таа рекламира желе. Ме потсетува на трендовите од средината на 2010-тите“.

Од друга страна, некои застанаа во нејзина одбрана, тврдејќи дека тоа не е лаксатив, туку средство за сузбивање на апетитот, а во описот на производот се наведува дека помага при „контрола на апетитот, варење и празнење на цревата“.

Таканареченото „желе за сечење“ е многу популарно во Јужна Кореја во последниве години. Според официјалните изјави, производот е дизајниран да го контролира апетитот, метаболизмот и секојдневното управување со тежината.

Професорот по гастроентерологија на „Харвард“, Четан Рампрасад, минатата година објасни за „Џеј-кју“ дека ваквите производи делуваат со забавување на празнењето на желудникот и имаат еден вид „ефект на чистење“. Тој додаде дека основата на губењето тежина е сè уште исхраната, вежбањето, промените во животниот стил и, во некои случаи, лекови како што е терапијата со GLP-1.

Меѓу состојките е екстрактот од гарцинија камбоџа (HCA), за кој се тврди дека помага во одржувањето на метаболичката рамнотежа. Според Националниот центар за комплементарно и интегративно здравје, ефектот на HCA врз губењето на тежината во истражувањата е „скромен“, додека некои студии не покажуваат никаков ефект, поради што се потребни повеќе студии.

@kyliejenner these are amazing @FOODOLOGY US ♬ original sound – Kylie Jenner

ВИДЕО | Падна сладок бакнеж: Тимоти Шаламе и Кајли Џенер разменија нежности на Златните глобуси