ВИДЕО: Недоволни 54 поени на Јанис против Индијана, Тре Јанг блескаше во победата на Атланта
Два нови натпревари беа одиграни во најсилната кошаркарска лига на светот (НБА), а триумфи остварија екипите на Индијана и Атланта.
Пејсерси го совладаа Милвоки со 126:124 за трета победа во низа. Пејсерси беа предводени од Тајрис Халибартон со 29 поени, 10 асистенции и шест скокови.
За Бакси недоволна беше одличната партија на Јанис Адетокунбо кој постигна 54 поени и 12 скокови. Грчкиот интернационалец шутираше 19/25 од игра и 16/18 од линијата за слободни фрлања, но имаше и осум загубени топки.
Атланта славеше минимално со 120:119 против Орландо, најефикасен кај Хокси беше Тре Јанг кој доминираше со 41 поен, осум скокови и три асистенции од кои имаше една и до Дежонте Мареј кој ја постигна одлучувачката тројка на 31 секунда пред крајот на мечот.
Кај поразените се истакна Џејлен Сагс со 21 поен (шест украдени топкиа), следен од Паоло Банкеро кој запиша 17 поени, осум скокови и четири асистенции.
Во Источната конференција Индијана е третопласирана со учинок од шест победи и три порази, веднаш пред Атланта (5-3) и Милвоки (5-3), додека Орландо е на осмата позиција (4-4).
НБА лига, резултати
Индијана пејсерс – Милвоки бакс 126:124
Орландо меџик – Атланта хокс 119:120