ВИДЕО: Не помага ни чудесниот Очоа, Милан ги освои бодовите во Салерно
Актуелниот шампион на Серија А, Милан ја совлада Салернитана со 2:1, а на голот на домашните се истакна Гиљермо Очоа, кој имаше неколку одлични интервенции.
Во 10 минута мрежата на домаќините за првпат се затресе, Тонали упати одлична топка, Очоа непотребно излета, а Леао го заобиколи и постигна гол.
Пет минути подоцна веќе беше 2:0. Тонали шутираше од далечина, Очоа го запре неговиот удар, но италијанскиот репрезентативец се поправи по додавањето на Дијас.
Во 58 минута Дијас постигна гол, но истиот беше поништен поради офсајд. Домашните играчи успеаја единствено да го ублажат поразот преку Бонацоли (83`) по асистенцијата на Л. Кулибали.
Со истиот резултат Сампдорија триумфираше на гостувањето кај Сасуоло. На табелата Милан е на второто место со 36 бодови, пет помалку од водечкиот Наполи на Елиф Елмас со напомена дека составот на Лучано Спалети имаат еден меч помалку.