ВИДЕО | „Направете ја вистинската работа“: Савана Гатри со емотивен апел шест месеци по киднапирањето на мајка ѝ
Американската новинарка и водителка на утринската емисија „Тудеј“, Савана Гатри, објави емотивно видео со кое јавно им се обрати на киднаперите на нејзината мајка, Ненси Гатри, која исчезна пред речиси шест месеци.
Препорачано
-
1
-
2
-
3
Осумдесет и четиригодишната Ненси беше киднапирана од својот дом во Тусон, Аризона, на 1 февруари. И покрај истрагата што ја водат Федералното истражно биро (ФБИ) и Канцеларијата на шерифот на округот Пима, досега нема идентификувани осомничени.
„Поминаа месеци откако ни ја одзедоа мајка ни. Нашето семејство живее во агонија. Ова е кошмар што не завршува. Ништо не се промени“, вели 54-годишната Гатри во видеото објавено на Инстаграм.
Таа истакна дека таа и нејзините брат и сестра, Ени и Камрон Гатри, направиле сè што било во нивна моќ за да ја пронајдат мајка им.
„Никогаш нема да престанеме да ја бараме. Таа празнина во нашите срца никогаш нема да исчезне“, рече водителката.
Потоа директно им се обрати на киднаперите.
„Светот може да биде суров и немилосрден, но верувам дека никогаш не е доцна човек да ја направи вистинската работа. Ве молам, помогнете ни да ја пронајдеме. Кажете ни каде да ја бараме. Помогнете оваа приказна конечно да заврши“, порача Гатри.
Таа го заврши апелот со зборовите:
„Без разлика каде сме биле или што сме направиле, секогаш постои пат кон дома. Ве молам, направете ја вистинската работа.“
View this post on Instagram
Нејзината објава предизвика голем број пораки со поддршка од колеги и следбеници, меѓу кои и поранешната колешка од утринската програма Хода Котб и водителот Карсон Дејли.
Во меѓувреме, истрагата продолжува. Истражителите претходно објавија снимка од безбедносна камера на која се гледа маскирано лице како влегува во домот на Ненси Гатри, но неговиот идентитет сè уште не е утврден.
Во јавноста се појавија и неколку непотврдени писма со барање за откуп. Според нивната содржина, киднаперите побарале 4 милиони долари во биткоини, а подоцна сумата ја зголемиле на 6 милиони долари, заканувајќи се дека Ненси ќе биде убиена доколку не биде извршена уплатата во зададениот рок.
