ВИДЕО: „Наострете ги мечевите и убијте ги сите“ – Хенри Кавил против нови чудовишта во втората сезона од серијата „The Witcher“
Тизер трејлерот за втората сезона од серијата на Нетфликс „The Witcher“ претставува мешавина од снимки на Гералт (Хенри Кавил) во борбата со разни чудовишта од првата сезона, но и два нови непријатели со кои гледачите досега не се сретнале, пишува Collider.
– Ова не е трик, постојат две закани кои не очекуваат, пишува во видеото на Инстаграм профилот на серијата.
– Чудовишта големи и мали, наострете ги мечевите и убијте ги сите… Ако можете да ги пронајдете, велат од продукцијата на својот Твитер профил.
Monsters big and monsters small, sharpen your swords and slay them all… if you can spot them. pic.twitter.com/M3N0ZmG055
— The Witcher (@witchernetflix) October 31, 2020
Белиот волк (Гералт) ја сфаќа Ноќта на вештерките како свој личен предизвик. Отворете ги очите широко… не сакате да го пропуштите скриеното, гласеше соопштението на Јутјуб.
Ќе ви помогнеме, новите чудовишта се наоѓаат на 00:15 и 00:31. Дали ги забележавте?
Втората сезона ќе продолжи таму каде што запре првата – Ќе видиме како Џенифер се опоравува од повредите со кои се здоби во Битката за брдото Соден, а Гералт и Сири заедно ќе тренираат во неговиот дом каде Сири ќе ги развие своите магични способности.
Премиерата на втората сезона од „The Witcher“ е закажана за 2021 година на Нетфликс стриминг платформата.