Музејот Гревин ја прикажа восочната фигура на принцезата Дијана облечена во нејзиниот црн, тесен коктел-фустан кој го носеше на настанот Serpentine Gallery во Лондон во 1994 година. На овој настан, кралот Чарлс трети, кој тогаш беше принц, јавно призна дека ја изневерил и дека има врска со Камила Паркер Боулс.

Оддавањето почит на принцезата Дијана на овој начин, за Париз има дополнително значење, бидејќи таа загина во сообраќајна несреќа во тунел покрај реката Сена во 1997 година.

Откривањето на фигурата на принцезата во овој музеј се случи токму на 30-годишнината од нејзиното интервју за „Би-би-си“ за кое многумина тврдат дека ја наруши репутацијата на монархијата и на кралицата.

„Фустанот е многу значаен за нејзиното ослободување, бидејќи во кралското семејство црната боја се носи само на погреби, а тогаш ваков фустан за принцезата од Велс не бил вообичаен. Париз никогаш не се откажал од принцезата Дијана, па имаше смисла конечно да добие и фигура. Ако туристите дојдат да ги видат восочните фигури, принцезата Дијана ќе биде првата што ќе ја побараат“, велат организаторите.