Стартуваше новата сезона во втората Бундеслига во која ќе настапува македонскиот репрезентативец Висар Муслиу кој одлучи да ја продолжи кариерата во редовите на Падерборн.

Нашиот дефанзивец започна како стартер на гостувањето кај Гројтер фирт, но неговото деби се покажа како неславно.

По само осум минути игра Муслиу доби црвен картон и предвреме мораше да го напушти теренот. Прво доби опомена од главниот судија со жолт картон, а по прегледувањето на ВАР снимката, беше променета одлуката, и му беше покажан директен црвен. Видеото можете да го погледнете ТУКА

Ваквата предност на теренот ја искористија домаќините кои постигнаа три гола во првото полувреме.

Два гола постигна Лемперле, еден Хргота, а во вториот дел во листата на стрелците се запиша и Зиеб за 4:0 по 65 минути игра.