Италијанските власти уапсија 24-годишен државјанин на Бангладеш откако утрово беше пронајден заробен во трезорот на банкарска филијала во Милано, пренесува Ла република.

Младиот човек влегол во трезорот на банката со намера да ги испразни сефовите преку ноќ. Сепак, неговиот план бил осуетен кога се заробил во просторот, без начин да избега.

Неговото присуство било откриено кога безбедносните камери снимиле маж во црна јакна и ранец во трезорот.

Bloccato nel caveau. Un giovane di 24 anni si introduce nella filiale UniCredit di viale Certosa a Milano durante l’orario di apertura, raggiunge il caveau e tenta di forzare le cassette di sicurezza. Resta però chiuso all’interno e viene individuato grazie al sistema di… pic.twitter.com/TB1Jv2ijEo

— Repubblica (@repubblica) February 20, 2026

Пожарникарите и карабинери брзо се упатиле на местото на настанот за да го ослободат 24-годишникот. Операцијата се покажала како особено сложена и била завршена околу 6 часот наутро.

Спасувачите првично биле принудени да провалат во сефот каде што се чувале клучевите од трезорот, кој не бил отворен пред 8 часот наутро. Потоа било откриено дека бравата на трезорот била оштетена и однатре, веројатно од обидот на младиот човек да избега.