ВИДЕО: Милан разочара во Реџо Емилија, голманот Мењан го спаси шампионот од пораз
Фудбалерите на Сасуоло и Милан ремизираа вечерва на стадионот „Мапеи“ играјќи без голови во натпреварот од четвртото коло на Серија А.
„Росонерите“ не ја оправдаа фаворитската улога на теренот во Реџо Емилија, а домаќините пропуштија голема шанса да дојдат до бодовите.
Голманот на Милан, Мењан го спаси од пораз својот клуб во 23 минута кога го запре ударот на Берарди од белата точка.
Подоцна Берарди се повреди и мораше да го напушти теренот во болки. Милан тешко се закануваше кон голот на Консиљо, а во 90 минута влезе во сериозни проблеми кога Алесандро Флоренци при трчањето почувствува болка во задната ложа.
Повредата, која не делуваше наивно, го натера да ја напушти играта, а во дополнителните седум минути, Милан играше со играч помалку поради сите употребени замени.