Премиерот Христијан Мицкоски преку видеоснимка ги раскажа неговите денешни активности на Светскиот економски форум во Давос. Мицкоски денот го оцени како успешен и опиша како се сретнал со претседавачката на Советот на министри на Босна и Херцеговина, а потоа имал и „многу билатерални средби“ со бизнисмени.

„Денот го започнавме со билатерална средба со Борјана Кришто, којашто е претседавач на Советот на министри на Босна и Херцеговина, а потоа го продолживме со многу билатерални средби со мултинационални компании коишто навистина значат многу во делот на бизнисот во светот“, вели Мицкоски во видеоизвештајот од Давос, без да го наведе името на барем некоја од познатите светски компании.

Премиерот додаде дека учествувал и на панел на кој се дискутирала вештачката интелигенција низ призмата на потребите од струја кои таа ги повлекува.

Мицкоски и министрите им се толку посветени на реформите за ЕУ, што и во недела се собрале да ги дискутираат