Мажот кој провали во автомобил и украде хард-дискови со необјавена музика на Бијонсе е осуден на две години затворска казна. Келвин Еванс (41) ја призна вината за обвиненијата кои вклучуваат провала во возило и неовластен влез на имот во Атланта, Џорџија. Покрај затворската казна, судијата му одреди и дополнителни три години условна казна, пренесува „Би-би-си“.

Инцидентот се случил на 8 јули 2025 година, непосредно пред концертите на Бијонсе во Атланта како дел од нејзината турнеја „Cowboy Carter“. Еванс провалил во изнајмено возило кое го користеле кореографот Кристофер Грант и танчарот Диандре Блу. Меѓу украдените предмети биле и два лаптопи, слушалки, луксузна облека и додатоци, хард-дискови за кои истражителите велат дека содржеле необјавен материјал од Бијонсе и лични чувствителни информации кои ѝ припаѓале на пејачката.

Обвинителството презентираше снимки од надзорните камери на кои се гледа возилото на Еванс до изнајмениот автомобил, како и снимки каде тој ракува со куферите на жртвите пред еден станбен блок. Лаптопите имале технологија за следење која ги лоцирала токму на таа адреса.

Иако Еванс е осуден, истражителите досега не успеале да ги вратат украдените хард-дискови ниту останатите предмети. Како дел од пресудата, на Еванс му е наредено да не им се приближува на жртвите, ниту на паркингот каде што се случила кражбата.

Необјавена музика од Бијонсе била украдена од изнајмен автомобил пред турнејата „Каубој Картер“ во Атланта

ВИДЕО | Екстраваганција без граници — Мадона на Мет Гала се појави со брод на главата и шал што го носеа седум помошнички