Кошаркарите на Денвер нагетс го обезбедија новиот триумф (128:125) во НБА лигата против Јута џез дури во самата завршница, со серија слободни фрлања во последните две минути, откако претходно испуштија водство од девет поени (106:97) во текот на последната четвртина.

Најефикасен во редовите на Денвер беше Канаѓанецот Џамал Мари со 45 поени (осум асистенции), следен од српскиот центар Никола Јокиќ со 22 поени, 12 скока и пет асистенции.

На спротивната страна за Јута, прв стрелец беше Кејонте Џорџ со 36 поени, додека Кајл Филиповски запиша 19 поени, осум скока и шест асистенции.

Денвер доби важен натпревар во борбата за плејофот и моментно го зазема петтото место на Западот со учинок од 38-24. Јута која е во низа порази, се наоѓа на 14 позиција (18-43).

НБА лига, резултати:

Вашингтон визардс – Хјустон рокетс 118:123
Милвоки бакс – Бостон селтикс 81:108
Јута џез – Денвер нагетс 125:128
Голден Стејт вориорс – Лос Анџелес клиперс 101:114