Уругвајскиот фудбалер Луис Суарез го одигра последниот натпревар во дресот на бразилскиот клуб Гремио од кој со голем стил се прости – со гол против Васко де Гама (1:0).

Суарез во неделата вечерта доби овации од публиката и не можеше да ги задржи солзите кога во друштво на своето семејство кое се спушти на теренот го погледна видеото кое му го посвети Гремио.

– Напиша прекрасно поглавје од нашата историја. Каде и да си, засекогаш ќе бидеш „бесмртен“ – напиша Гремио на социјалните мрежи.

Суарез постигна 27 гола на 52 натпревари за Гремио, а се очекува да му се приклучи на Интер од Мајами, каде го чекаат неговите поранешни соиграчи од Барселона – Лионел Меси, Серхио Бускетс и Жорди Алба.

Токму со Барса искусниот 36-годишен напаѓач ги имаше најголемите успеси во кариерата, четирипати беше првак на Шпанија, еднаш ја освои Лигата на шампионите, севкупно во 191 настап за каталонскиот гигант запиша 147 голови.

GRACIAS, @LuisSuarez9 🥹🇪🇪 Um capítulo lindo de nossa história foi escrito por ti. O 4º maior artilheiro em atividade do mundo deixou a sua marca 27 vezes com nosso manto. Onde estiver, serás para sempre IMORTAL! 💙 pic.twitter.com/gtcy7aLshE

— Grêmio FBPA (@Gremio) December 4, 2023

🚨Watch: Gremio fans bid farewell to Luis Suarez after his final home game 🥹

He will sign his contract with Inter Miami in the coming weeks 🖤🩷#GraciasSuárez pic.twitter.com/oRgu8ruSlf

— Inter Miami News Hub (@Intermiamicfhub) December 4, 2023