ВИДЕО: Ливерпул со пресврт до финале во Лигата на шампионите
Фудбалерите на Ливерпул се пласираа во финалето на Лигата на шампионите, вкупно 10 во историјата на „црвените“.
Вечерва составот на Јирген Клоп го победи Виљареал на гостински терен со резултат 3:2 во реваншот од полуфиналето на Лигата на шампионите. На првиот натпревар одигран пред шест дена на „Енфилд“ беше 2:0 за англискиот гигант.
По првите 45 минути Шпанците на својот „Ел Мадригал“ водеа со 2:0 со головите на Диа во третата и Кокелин во 41 минута.
Со ваквиот резултат повторно беше вратена неизвесноста во овој двомеч, но во вториот дел следуваше пресвртот на гостите.
Ливерпул дојде и до втор триумф после головите на Фабињо во 62 минута, Дијаз во 67 минута и Мане во 75 минута.
Ливерпул во финалето на Лигата на шампионите ќе игра со подобриот од дуелот помеѓу Реал Мадрид и Манчестер сити. Во првиот меч беше 4:3 за Сити, а реваншот е в среда во Мадрид (21.00 часот).