Ѕвездата на Лос Анџелес Лејкерс, Леброн Џејмс во својот тим го избра Никола Јокиќ како четврти пик, а друштво меѓу стартерите во неговата екипа за претстојниот „Ол-стар“ натпревар ќе му прават уште Лука Дончиќ, Стеф Кари и Јанис Адетокумбо.

НБА лигата повторно јавно и телевизиски го покриваше изборот на екипи за „Ол-стар“ натпреварот кој ќе се одржи на 7 март во Атланта.

Како играчи со најмногу гласови, капитени на екипите се Леброн Џејмс и Кевин Дурент. „Кралот“ Џејмс го избра својот најголем конкурент за наградата за најкорисен играч (МВП) – Јанис Адетокумбо, за прв пик, додека Дурент го избра својот тимски колега од Бруклин, Кајри Ирвинг.

The 2021 #NBAAllStar #TeamLeBron & #TeamDurant rosters as drafted by @KingJames and @KDTrey5! pic.twitter.com/TWntJccnyP

— NBA (@NBA) March 5, 2021

Во тимот на Леброн Џејмс се Кари, Адетокумбо, Дончиќ, Јокиќ, Лилард, Симонс, Пол, Браун, Џорџ, Сабонис и Гобер, а во екипата на Дурент, Бил, Ембид, Ирвинг, Леонард, Тејтум, Букер, Харден, Левин, Мичел, Рендл, Вучевиќ, Вилијамсон, а Дејвис е повреден.

Покрај „Ол-стар“ мечот на паузата помеѓу двете полувремиња ќе биде одржано натпреварувањето во забивања, додека пред дуелот играчите ќе се натпреваруваат во борбата на вештини и брзото шутирање тројки.

Watch the First Round of the 2021 #NBAAllStarDraft with Team Captains LeBron James and Kevin Durant! #NBAAllStar pic.twitter.com/6bVQEzyJDm

— NBA (@NBA) March 5, 2021