Паркот „Жена-борец“, кој е една од најпрепознатливните локации за туристите кои доаѓаат во Скопје, сместен спроти Собранието на Македонија периодов ја добива можеби и најголемата грижа во последниве неколку години, откако тој долг период беше оставен на „забот на времето“, со неискосени треви, искршени клупи и споменици, како и нефункционални фонтани и можеби најапсурдниот пропуст – вечен оган што не гори.

Сепак, денеска во паркот „Жена-борец“ може да се забележат екипи кои го чистат споменикот на „Аполон“ и фонтаната околу него, како и најмаркантниот споменик „Паднати херои на Македонија“, каде што е сместен и „вечниот оган“, кој со години не гори, а местото каде што е сместен и стаклените ѕидови кои се монтирани околу него се валкани и оштетени.

ФОТО | Оштетени споменици, расипани фонтани и вечен оган што не гори во паркот „Жена борец“

Со оглед на тоа што паркот веќе неколку дена активно се чисти и средува, граѓаните најверојатно ќе можат повторно да го посетат „Жена Борец“ и да се прошетаат низ зеленилото и да ги видат исчистените споменици, можеби иповторно ќе се стави во функција вечниот пламен, а и да се надеваме напролет ќе проработат со години нефункционалните фонтани.