Кошаркарите на Лос Анџелес Клиперс го совладаа Феникс со резултат 116:102 во петтиот натпревар од финалната серија на Западната конференција во НБА лигата.

На тој начин Клиперси го намалија водството на Санси на 3:2 најмногу благодарение на Пол Џорџ кој мечот го заврши со 41 поен, 13 скокови и шест асистенци, за негов личен рекорд во плеј-офот.

И покрај големиот притисок поради предноста на ривалот и гостинскиот терен, играчите на тренерот Тајрон Лу самоуверено влегоа во новиот меч од финалната серија и со одлична игра на почетокот на првото и второто полувреме стигнаа до предноста што им ја осигура победата.

Реџи Џексон исто така имаше значаен придонес во триумфот со 23 поени, пет скокови и три асистенции. На спротивната страна за Феникс најефикасен беше Девин Букер со 31 поен, а Крис Пол додаде 22 коша (осум асистенции).

Шестиот дуел на Западот ќе се игра во ноќта помеѓу среда и четврток од 03.00 часот по полноќ.