ВИДЕО | Ќерката на Брус Вилис откри дека ѝ e дијагностициран аутизам: Во минатото се бореше со повеќе ментални нарушувања
Талула Вилис, ќерката на Брус Вилис и Деми Мур преку социјалните мрежи откри дека ѝ е дијагностициран аутизам како возрасна.
Таа на својот инстаграм-профил ја објави веста дека ѝ е дијагностициран аутизам, заедно со кратко видео од премиерата на филмот на нејзиниот татко „Цели десет јарди“ од 2004 година, во која глуми како 10-годишно девојче.
„Кажи ми дека си аутистичен без да ми кажеш дека си аутистичен. Всушност, ова е првпат јавно да ја споделам мојата дијагноза. Дознав за тоа минатото лето и ми го промени животот”, напишала Талула Вилис покрај видеото.
Инаку, ќерката на познатите актери претходно зборуваше за борбата со анорексијата поттикната од телесната дисморфија, како и со останатаи ментални нарушувања. Како што изјави за „Вог“ во 2023 година, таа се бори со анорексија од 2019 година. На 25-годишна возраст, започна со рехабилитација за да се справи со нарушувањето во исхраната и депресијата.
Семејството на Брус Вилис сподели тажни вести за актерот: Нема повеќе радост во него