Кина ќе може да изведе сеопфатна инвазија на Тајван до 2025 година, прогнозираат тајванските воени власти Сегашните тензии меѓу Кина и Тајван се сметаат како најлоши и најопасни во последните 40 години.

Проценките се дека Кина сега е способна, но дека ќе биде целосно воено подготвена да започне инвазија врз Тајван за три години.

Тајванскиот министер за одбрана Чиу Куо-Ченг, изјави дека Кинеската армија има борбен и воен капацитет, но нема лесно да ја започне војната, бидејќи мора да земе предвид многу други работи “.
За само 4 дена Пекинг испрати околу 150 воени авиони во тајванската зона за воздушна одбрана , почнувајќи од петокот, истиот ден кога Кина го одбележа клучниот патриотски празник, во рекордна ескалација на нејзините воени активности насочени кон островот.

Кина тврди дека Тајван е кинеска провинција и вети дека повторно ќе го заземе, доколку е потребно, притоа обвинуваќи ја демократски избрана влада во Тајпеј дека е сепаратистичка . Тајванската влада пак вели дека веќе е суверена нација без потреба од прогласување независност. Тајванската претседателка Каи Инг-вен порача дека Тајван нема да ризикува , туку ќе направи „се што е потребно“ за да се одбрани од кинеска инвазија.

Иако се повеќе се шпекулира дека Кина има намера да го нападне Тајван, меѓу аналитичарите и водечките политички личности се водат жестоки дебати за времето и природата на таквата акција.

Итноста од евентуалната закана го принуди тајванскиот парламент да го разгледа специјалниот закон за буџетот за одбрана во износ од 8,6 милијарди долари. Околу две третини ќе бидат потрошени за против-бродско оружје, како што се копнени ракетни системи, вклучувајќи план од 148,9 милијарди долари за масовно производство на домашни ракети и бродови „со високи перформанси“.

Набавката на оружје за одбрана тајванската армија го конципира врз разузнавачките податоци според кои постои опасност од кинески воен напад токму преку чувствителниот и геостратешки важен Тајвански теснец.

Тајванската армија e целосно воено подредена од моќната кинеската војска, па затоа нивните воени експерти се фокусирани на развивање на асиметричен одбранбен систем наречен „Бодликаво прасе “ за да ја одврати или одбие копнената инвазија. Паралелно владата во Тајпеј се обидува да добие подршка за одбрана и разузнавачка и логистичка поддршка од други нации, вклучувајќи ги Австралија, Јапонија и САД – кои исто така му продаваат оружје на Тајван.

Американскиот претседател Џо Бајден деновиве изјави дека разговарал со кинескиот претседател Си Џипинг и дека добил уверување дека Пекинг засега ќе се држи до таканаречениот тајванскиот договор.