Шпанската тенисерка Карла Суарез Наваро е на одличен пат да го победи ракот на лимфниот систем и да се врати на тениските терени. Откако во текот на минатото лето објави на социјалните мрежи дека се бори против тешката болест, започна да тренира само неколку месеци подоцна.

За Карла, ова требаше да биде проштална професионална сезона, но оваа пролет, за време на пандемијата на коронавирусот, таа продолжи да работи.

Подоцна, непосредно пред „УС Опен“, таа објави дека е болна и дека ќе мора да мине низ низа терапии. Само три месеци подоцна, Карла објави видео на социјалните мрежи од нејзиниот тренинг во друштво со поранешната италијанска тенисерка Сара Ерани.

Sunday funday!! ??
Thanks for the practice @SaraErrani ? pic.twitter.com/OlyVl6m8IF

— Carla Suárez Navarro (@CarlaSuarezNava) December 6, 2020

Суарез Наваро, освен доколку не се предомисли, нема да се врати во професионалниот тенис, но целиот свет е воодушевен од нејзината голема борба.

Последното видео е секако потврда дека закрепнувањето се одвива според планот и дека наскоро се очекува да биде во ред.

Таа во својата кариера освои три ВТА титули, а нејзин најдобар пласман беше шестото место до кое стигна на крајот на февруари 2016 година.