Американската пејачка Кети Пери предизвика лавина негативни реакции откако објави промотивно видео за новиот сингл „Watch It Burn“, во кое накратко се појавува и нејзиниот партнер, поранешниот канадски премиер Џастин Трудо.

Пејачката видеото го објави со опис: „Древните текстови велат дека ако скокате на оваа песна, ќе имате 1.000 години среќа.“

На снимката Кети Пери најпрво скока со членовите на својот тим, а потоа за неколку секунди се појавува и Трудо, кој танцува и скока во ритамот на песната.

@katyperryancient texts say that if you hop to this song you will get 1,000 years of good luck♬ Watch It Burn – Katy Perry

Токму неговото појавување предизвика критики кај поддржувачите на американскиот претседател Доналд Трамп и движењето „Да ја направиме Америка повторно голема“ (оригинален назив: Make America Great Again – MAGA).

Темата беше коментирана и во американската телевизиска емисија „Фокс енд френдс викенд“, каде што водителот Гриф Џенкинс рече: „Што правиш, човеку? Возрасен маж од 54 години танцува во видеото на својата девојка Кети Пери“.

Неговата колешка Рејчел Кампос-Дафи, пак, се осврна на долгогодишните шпекулации за наводната поврзаност на Трудо со поранешниот кубански лидер Фидел Кастро.

Негативни коментари се појавија и на социјалната мрежа Икс, каде што дел од корисниците го исмеваа поранешниот канадски премиер поради неговото учество во видеото.

Џастин Трудо и Доналд Трамп имаа затегнати односи уште за време на првиот претседателски мандат на Трамп. Американскиот претседател во повеќе наврати јавно го нарече Трудо „слаб“ и „неискрен“, а двајцата често беа на спротивставени позиции околу односите меѓу САД и Канада.

Раде Богдановиќ: Срамота за фудбалот е што Роналдо игра на Светското првенство