Ви донесуваме предлог рецепт за домаќинки кои не знаат што денеска да направат за ручек.

Ако сте во трка со времето, овој рецепт е нешто феноменално. Брзо, лесно и економично.

Состојки:

– 2 филети пилешко бело месо

– 200 грама кашкавал

– 300 грама чадено месо или свински врат

– 1 павлака

– 2 јајца

– 3 чешниња лук

– 5 лажици сенф

Подготовка:

1. Филетите исчукајте ги и мошне малку посолете ги, па наредете ги во подмачкан плех.

2. Премачкајте ги со сенф и со добро изгмечен лук.

3. Врз сенфот изрендајте го кашкавалот.

4. Наредете го сувото месо, повторно премачкајте со сенф, сега наредете го кашкавалот исечен во листови.

5. Изматете ги јајцата и павлаката и прелијте ги со кашкавал.

6. Бајадерата печете ја 30 минути на 200 степени. Оставете да се излади и исечете ја како бајадера.

7. Ако не можете да чекате да се излади, исечете ја на коцки и послужете ја со салата.