Поранешниот напаѓач Диего Форлан, според последните информации, е главен кандидат за нов селектор на фудбалската репрезентација на Уругвај. Тој би требало да го наследи Марсело Биелса, кој ја напушти функцијата по неуспешниот настап на Светското првенство.

Шпанските медиуми пишуваат дека планот е Форлан да ја предводи репрезентацијата за време на септемврискиот, октомврискиот и ноемврискиот репрезентативен циклус, како и на пријателските натпревари до март 2027 година.

„Фудбалската федерација на Уругвај потоа ќе одлучи дали ќе му ја довери селекторската функција на подолг рок или ќе назначи нов предводник, а конечната одлука ќе зависи и од исходот на внатрешните избори што треба да се одржат кон крајот на годината“, пренесуваат шпанските медиуми.

Форлан, кој има 47 години, е една од најголемите легенди на уругвајскиот фудбал. За националниот тим настапи на 112 натпревари и постигна 36 голови, оставајќи длабока трага во историјата на репрезентацијата.

На 100 натпревари имаше над 6,5 милиони навивачи на стадионите на Мундијалот