Во пресрет на полуфиналните натпревари на Светското првенство, каде што ќе се соочат Франција и Шпанија, како и Англија и Аргентина, платформата „Football Meets Data“ ги објави своите најнови пресметки за шансите на преостанатите репрезентации да го освојат трофејот.

Според анализата на суперкомпјутерот, Франција е главен фаворит за светската титула со 31,2 проценти веројатност да стане шампион. Веднаш зад „триколорите“ е Шпанија, на која ѝ се даваат 25,4 проценти шанси за освојување на мундијалскиот пехар.

На третото место е Англија со 22,6 проценти изгледи за титулата, додека актуелниот светски шампион Аргентина има 20,8 проценти шанси успешно да ја одбрани круната.

Првото полуфинале помеѓу Франција и Шпанија на програмата е утре од 21:00 часот, додека во истиот термин в среда ќе се соочат Англија и Аргентина.

🏆 To win the World Cup:

31% 🇫🇷 France
25% 🇪🇸 Spain
23% 🏴󠁧󠁢󠁥󠁮󠁧󠁿 England
21% 🇦🇷 Argentina

👉 Full probabilities and scenarios in our 🕹️ Simulator pic.twitter.com/NGOvztzxux

— Football Meets Data (@fmeetsdata) July 12, 2026