Француските власти синоќа испратија два противпожарни авиони во регионот на Париз, откако во пространата шума Фонтенбло избувна пожар од „исклучителни размери“, објави „Гардијан“.

Пожарот избувнал доцна попладнето во некогашното кралско ловиште, кое денес е опкружено со мирни села.

Властите утринава сооопштија дека огнот зафатил околу 800 хектари и сè уште се ширел, предизвикувајќи делумно затворање на автопатот А6, главната сообраќајна врска север–југ во Франција, како и нарушување на сообраќајот за време на еден од најпрометните летни викенди, кога земјата е погодена од топлотен бран.

ALERTE – Les autorités font état d’un incendie d’une ampleur “exceptionnelle” en cours au sud de Paris. La forêt de #Fontainebleau est en feu, avec d’ores et déjà plus 300 hectares brulés en Seine-et-Marne. Pour la première fois en Île-de-France, des avions bombardiers ont été… pic.twitter.com/YSbHJQv8XI

— Infos Françaises (@InfosFrancaises) July 12, 2026

Прекин бил предизвикан и во железничкиот сообраќај со брзи возови. Француската железничка компанија СНЦФ соопшти дека возовите што вчера пристигнувале или поаѓале од железничката станица „Гар де Лион“ во Париз доцнеле и до шест часа.

До вечерта, противпожарните авиони морале да ги прекинат летовите.

Околу 15 куќи биле евакуирани во селото Воду, а пожарникарите се обидувале да заштитат уште неколку населени места во областа, соопшти локалната противпожарна служба на департманот Сен-е-Марн.

Оливие Компта, кој раководел со операцијата за гаснење, изјави дека без помошта на противпожарните авиони веќе ќе морале да бидат евакуирани и други села.

Околу 400 пожарникари учествувале во гаснењето на пожарот.

Feu dans la forêt de Fontainebleau en cours 😟bon courage aux sapeurs pompiers du 77 et d’île de France @Sdis77 @sdis91 pic.twitter.com/6qIGfrBLtW

— Romaric Philogène 🇫🇷 🇺🇦 (@rophilogene) July 12, 2026

Ерик Брокарди од Националната федерација на француски пожарникари изјави дека ова е првпат противпожарни авиони да бидат испратени од вообичаено потоплиот и посув југ на земјата за гаснење пожари во регионот на Париз.

Тој додаде дека во операцијата учествувале и два противпожарни хеликоптери, како и авион за набљудување.

„Целта е да се спасат човечки животи и имот“, изјави Брокарди додека пожарот продолжувал да се шири.

Претходно, пожарникарите интервенирале и на друг пожар кој го блокирал автопатот што води источно од Париз и предизвикал прекин на брзата железничка линија кон југот на Франција.

Регионот на Париз, како и голем дел од остатокот од Франција, од мај наваму е погоден од низа топлотни бранови, при што се соборени температурни рекорди во неколку европски земји, а според проценките во Белгија, Велика Британија, Франција и во Шпанија тие предизвикале илјадници дополнителни смртни случаи.

Неколку други европски држави исто така забележале рекордно високи просечни температури.

Групата научници „Ворлд ведер атрибјушн“ соопшти дека топлотните бранови во јуни би биле „практично невозможни“ без климатските промени.

Министерот за внатрешни работи Лоран Нунез, чиј кабинет најави дека денес ќе ја посети шумата Фонтенбло, изјави дека шумските пожари годинава веќе уништиле 17.000 хектари.

Сончаница или топлотен удар — еве како да ги препознаете опасните состојби