Денеска во рамките од 33 коло во Премиер лигата екипата на Манчестер јунајтед дома со 3:2 го совлада Норич.

Најзаслужен за триумфот на „црвените ѓаволи“ беше Кристијано Роналдо кој забележа хет-трик, негов 50 јубилеен во кариерата.

Португалецот ја започна гол серијата на домаќините во седмата минута, а позитивата ја зголеми во 32 минута на стадионот „Олд Трафорд“.

Непосредно пред паузата намалија гостите преку Дауел (45+1`), а асистентот на тој погодок, Пуки, израмни во 62 минута.

Роналдо својот трет гол, вкупно 15-ти оваа сезона во најсилната англиска лига, го реализираше во 76 минута.

На табелата составот на Ралф Рангник е на петтата позиција со 54 бодови, колку што има и Арсенал на шестото место, „топџиите“ загубија минимално од Саутемптон.

Брентфод славеше на гостувањето кај Ватфорд (1:2), додека Тотенхем изненадувачки загуби пред своите навивачи од тимот на Брајтон.