ВИДЕО: Јамал со ремек-дело го урна Атлетик и обезбеди три бода за Барселона
Фудбалерите на Барселона славеа минимална, но многу значајна победа на тешкото гостување кај Атлетик Билбао со 1:0, а херој на каталонскиот тим беше младиот Ламин Јамал со погодокот во второто полувреме.
Препорачано
Барселона влезе во овој дуел под притисок по победата на Реал Мадрид против Селта Виго, па триумфот на „Сан Мамес“ беше неопходен за да ја задржи предноста во трката за врвот на табелата.
Првото полувреме не донесе премногу возбудувања. Каталонците имаа поголем посед на топката, но тешко создаваа сериозни шанси, меѓутоа ниту домаќините од Билбао не успеаја значително да се заканат.
Најдобрата можност за баскискиот тим пристигна по еден час игра кога Оихан Санчет се најде во добра позиција, но неговиот удар го одбрани голманот на Барселона, Жоан Гарсија.
Клучниот момент на натпреварот се случи во 68. минута кога Јамал постигна вистинско ремек-дело. Младиот крилен напаѓач шутираше од десната страна и со прецизен удар го погоди далечниот горен агол. Топката од стативата заврши во мрежата, а тој гол се покажа како доволен за три бода на каталонскиот гигант.
YAMAL MAKES IT LOOK SO EASY THAT LEFT FOOT IS MAGIC!!!!!!!!! BARCA 1-0 pic.twitter.com/3Ff1jvRFGr
— TheEuropeanLad (@ThaEuropeanLad) March 7, 2026
