Дуња Иванова, како претставник на Велосипедскиот клуб Енерџи од Скопје е годинешниот државен првак со освоени три први места на Државното друмско-ридско, Државното друмско – хронометар и Државното првенство во планински велосипедизам, а во организација и како дел од годишниот календар на Велосипедската федерација на Македонија.

Титулата ,,државен првак“ претставува највисокото признание во спортските кругови во текот на една календарска година.

Иванова по професија е концертен пијанист и наставник, воедно и доктор на науки по естетика и автор на неколку книги и публикации.

-Вчера се одржа првата трка на вело-крос натпревари. Тоа се натпревари кои се одржуваат во зимскиот период. Токму заради пандемијата сите трки беа одложени започнаа доста подоцна. Имаше помал број на трки во календарот, но ние имавме среќа да бидеме активни и да ја одржуваме нашата форма. Нема групирање на тренинзите, се е на отворено и можноста за трансмисија на вирусот е многу мала. Наредните три трки се од вело – крос. Патеката е комбинирана. Велосипедистот мора да помине низ одредени препреки. Од април започнува календарот во друмски и планински велосипедизам, вели Иванова.

-Подготовки за сите трки се ралични бидејќи сите трки се поинакви. Тренизните пред самата трка се одвиваат во духот на таа трка која следи. Сите се наоѓаме во исклучително предизвикувачка состојба и во телото и во духот. Ова е наша гума за спасување и тренизните и спортувањето ни даваат кураж дека сето ова набрзо ќе заврши. Видовме една слика кој покажа дека во моментов велосипедот е една од најмоќните алатки за секој граѓанин – за сите ние да најдеме оддишка во прегратките на природата, да смогнеме сили и да го пребродиме периодов што е можно поскоро, изјави во „Утрински брифинг“ на „Слободна ТВ“ Дуња Иванова.

Целиот разговор проследете го во видеото.