Во седумкатна зграда во главниот град на Индонезија, Џакарта, денеска избувна пожар, објави локалниот телевизиски сервис Компас ТВ, при што 13 лица се потврдени како мртви, а некои се уште се заробени внатре, пренесува Ројтерс. Синхуа објави дека 20 лица загинале.

Пожарот е изгаснат додека напорите за евакуација на зградата продолжуваат, објави Компас ТВ.

Зградата е канцеларија на „Тера Дрон Индонезија“, која обезбедува дронови за активности на воздушно истражување со клиенти во секторите од рударството до земјоделството.

Компанијата обезбедила финансирање од јапонската фирма за дронови „Тера Дрон Корпорејшн“, според веб-страницата на компанијата.

Снимките емитувани од „Компас ТВ“ покажаа десетици пожарникари како се обидуваат да ги евакуираат луѓето внатре, а некои изнесуваа вреќи со тела од зградата.