ВИДЕО I Случка за филмско сценарио на Хаити: Фудбалската репрезентација на Белизе нападната од терористи
Фудбалските репрезентативци на Белизе преживеаја тешка траума и малку недостасуваше да бидат жртви на добро испланирано киднапирање.
Фудбалерите тргнаа кон Хаити на квалификациски натпревар за Светското првенство во 2022 година, кога ни криви, ни должни, се најдоа среде приказна што потсетува на холивудските крими филмови.
Вооружена група успеа да ја пробие полициската придружба на автобусот со фудбалерите на Белизе и да дојде до нив. Следуваа преговори кои, за среќа, завршија успешно, па националниот тим на Белизе продолжи кон својата крајна дестинација.
Incidentes en la llegada de #Belice ?? a #Haití ??.
Un grupo de hombres armados rodeó el bus del plantel beliceño y los cuatro policías escoltas debieron negociar para seguir su viaje.
FIFA y CONCACAF fueron informados de los hechos.pic.twitter.com/KBpkau7lfX
— Camino Mundial (@caminomundialok) March 22, 2021
Набрзо беше откриено и кој се напаѓачите и кој стои зад нивната акција.
Властите на Хаити објавија дека групата која стои зад обидот за киднапирање се нарекува „Фантом 509“ и дека, впрочем, станува збор за фракција на полицијата и поранешни полицајци која е означена како терористичка. Тие трагаат по телата на четворица нивни колеги кои настрадаа во неодамнешните судири.
