Хас ги негираше обвинувањата на некои медиуми дека ги користеле боите на руското знаме на новиот болид, а на Русинот Никита Мазепин (еден од возачите на овој тим) му е забрането да се натпреварува со симболите на таа држава.

Потсетување дека со одлуката на Судот за спортска арбитража им се забранува на руските натпреварувачи (како резултат на допинг) да користат национални симболи во следните две години, а тоа изгледа се однесува и за Формула 1.

Ова значи дека дебитантот Никита Мазепин нема да може да се натпреварува под руско знаме, а во случај на негова победа, руската химна нема да се интонира.

Затоа „прашината се крена“ во четвртокот кога беше претставен новиот болид „во боите на руското знаме“.

A slick new livery for the new season was revealed by @HaasF1Team on Thursday ? ?

Watch 2020 morph into 2021 ? ?#F1 pic.twitter.com/80r4obMojn

— Formula 1 (@F1) March 4, 2021

– Ние не заобиколивме никакви правила. Ваквиот дизајн го смисливме минатата година, пред Светската антидопинг агенција (ВАДА) да донесе одлука околу користење на руското знаме. Јасно е дека не можеме да го користиме знамето на Русија, но можеме да ги користиме боите на болидот. На крајот на краиштата, спортистот е тој што не може да ги користи симболите на Русија, а не тимот. Тимот е американски – рече шефот на Хас, Гинтер Штајнер.

Странските медиуми потсетуваат дека Хас потпиша повеќегодишен спонзорски договор со руската компанија „Уралкали“.