Менаџерот на Манчестер сити, Пеп Гвардиола уште сега ја започна потрагата по иделна замена за Серхио Агуеро, медиумите во Англија највеќе шанси му даваа на Нуњез од Бенфика и сметаат дека се чека јануари за да започне преодниот рок за да биде официјализиран трансферот.
Но, неколку јуќноамерикански медиуми наведуваат дека „граѓаните“ имаат поинакви намери.

Имено, според нив, Гвардиола се наоѓа пред договор со аргентинскиот Естудијантес за младиот 17-годишен суперталентиран Дарио Сармиенто.
Тинејџерот од минатата сезона е дел од првиот тим на Естудијантес, а веќе со 17. години започнаа да се раскажуваат анегдоти за него. Поранешниот селектор на Аргентина и легенда на Естудијантес, Алехандро Сабелја на првара средба со Сармиенто му се поклонил со зборовите „алелуја“ и со верба и надеж дека ќе стане голема ѕвезда, а веќе го нарекуваат новиот Меси.

Аргентинските медиуми пренесуваат дека работата е речиси завршена и во јануари ќе биде официјализиран трансферот вреден 20 милиони евра вклучувајќи ги и бонусите, а играчот во Манчестер сити ќе пристигне во јуни по завршување на сезоната.