ВИДЕО: Фановите на Галата во транс, пристигнаа Мертенс и Тореира, го чекаат Роналдо
Најтрофејниот турски тим Галатасарај кој има 22 титули и милионска армија навивачи,но мината сезона заврши на 14 позиција на табелата и во желбата да се врати на врвот е доста активен во преодниот рок.
Од Бенфика е донесен напаѓачот Харис Сеферовиќ, Серџо Оливера дојде од Рома, Лео Дубоа од Олимпик Лион, а доцна синоќа во Истанбул пристигнаа Дрис Мертес и Лукас Тореира.
Istanbul: Dries Mertens and Lucas Torreira arriving at the airport and set to be unveiled as new Galatasaray players. 🟡🔴 #Galatasaray@beINSPORTS 🎥pic.twitter.com/TrX2MPpl5w
— Fabrizio Romano (@FabrizioRomano) August 7, 2022
Мертенс потпиша за Галатасарај за годишна плата од 4 милиони евра откако му истече договорот со Наполи, додека Тореира е купен од Арсенал за 7 милиони евра.
Welcome to Galatasaray 🦁 🦁💛❤️#Mertens #Torreira pic.twitter.com/XX3eZfLRJ6
— ARES JR (EMRE) 🦁 (@ARES__JR) August 7, 2022
Навивачите се во транс по доаѓањето на двајцата фудбалери, но се во исчекување на најголемата трансфер бомба во преодниот рок, Кристијано Роналдо.
Челниците на турскиот тим веќе разговарале со агентот на Португалецот, Жорге Мендеш на кого му ја презентирале понудата и визијата на клубот и го чекаат одговорот на Роналдо.
Единствен проблем за Галатасарај може да претставува тоа што нема да игра во Лигата на шампионите што претставува опсесија за Роналдо и можно е да ја одбие понудата.
