ВИДЕО | Ескалира ситуацијата во Косово: Србин тешко ранет во Звечан
Во Звечан предмалку ранет е Србин од огнено оружје, во моментов се наоѓа во болница и е во тешка состојба, објави Косово онлајн.
Оттаму велат дека полесно е повреден уште еден српски граѓанин.
– Повредата беше нанесена од огнено оружје, тој беше застрелан во пределот на градите. Неговото рамо и реброто беа повредени, ние се подготвуваме за операционата сала за да го отстраниме куршумот. Тој се наоѓа на интензивна нега и е во сериозна состојба, рече хирургот Златан Елек, директор на КБЦ Косовска Митровица.
Во меѓувреме, припадниците на косовската полиција почнаа да се повлекуваат од Звечан, а на пат беа забележливи чаури направени од боева муниција.
Инаку, како што веќе објавивме денеска во северниот дел на Косовска Митровица, косовската полиција изврши акција, каде беа искористени шок бомби и солзавец, а неколку стотици граѓани блокираа неколку улици.