По серијата од три порази во низа, Минесота конечно се врати на победничките патеки, откако на гостински терен го совлада Голден стејт со 127-117.

Гостите го контролираа натпреварот речиси од самиот почеток и во еден момент од третата четвртина стигнаа до убедлива предност од 25 поени. Домашниот тим во продолжението се обиде да се врати во игра, но успеа само да ја намали разликата и да го ублажи поразот.

Најефикасен на теренот беше Ентони Едвардс, кој блесна со 42 поени. За него ова е десетти натпревар сезонава на кој постигнува повеќе од 40 поени. Значаен придонес во победата даде и Руди Гобер, кој натпреварот го заврши со 20 поени.

Во редовите на домашниот состав се истакна Брендин Подзиемски со 25 поени и 10 скокови, додека Кристапс Порзингис додаде уште 20 поени.

Резултати:

Далас – Кливленд 105-138
Детроит – Мемфис 126-110
Индијана – Њујорк 92-101
Торонто – Феникс 122-115
Хјустон – Њу Орлеанс 107-105
Голден стејт – Минесота 117-127
Портланд – Јута 124-114
ЛА Клиперс – Чикаго 119-108