ВИДЕО: Една година без Марадона, еден од најдобрите во историјата на фудбалот
Помина точно една година од смртта на Диего Марадона, еден од најдобрите фудбалери на сите времиња почина на 25 ноември 2020 година. Имаше 60 години.
Продолжува полемиката дали славниот Аргентинец бил третиран на вистински начин. Целата приказна заврши на суд, а на обвинителна клупа има лекари, кои се грижеа за неговото здравје.
Клубовите за кои настапуваше Бока Јуниорс, Наполи, но и оние за кои никогаш не играл, потсетија на легендарниот Ел Пибе. Најголемиот успех како играч на Марадона го постигна со репрезентацијата на Аргентина во 1986 година кога ја освои титулата светски шампион во Мексико.
Тој во клупската кариера има девет трофеи со Бока, Наполи и Барселона. Посебно се памети неговиот период во Неапол, каде беше првак на Италија во 1987 и 1990 година. „Наполитанците“ велат дека тој е „богот на фудбалот“, а нивниот стадион кој порано се викаше Сао Паоло сега го носи името „Диего Армандо Марадона“.
Како тренер не беше успешен како играч. Најголем успех му е пласманот во четвртфиналето на Светското првенство во Јужна Африка во 2010 година со аргентинската репрезентација. Во дуелот за пласман во полуфиналето „гаучосите“ беа убедливо елиминирани од Германија со 4:0.
1960 – ♾ pic.twitter.com/n7iGMScZpc
— Official SSC Napoli (@sscnapoli) November 25, 2021
Nunca te fuiste.
Estás en el corazón de cada hincha.🔟⚽️💙💛💙#DiegoEterno ♾ pic.twitter.com/x2h6e1jbBd
— Boca Juniors (@BocaJrsOficial) November 25, 2021