ВИДЕО: Дурент блескаше против Денвер, Јокиќ урна нов рекорд во НБА лигата
Актуелниот шампион во НБА лигата Денвер нагетс втор пат по ред е поразен на домашен терен од Феникс санс (104:97).
Во редовите на Санси доминираше Кевин Дурент кој постигна 30 поени и воедно имаше 13 скокови.
На спротивната страна српскиот центар на Нагетси Никола Јокиќ запиша 22 поени, девет скокови и 10 асистенции.
Јокиќ стана првиот играч во историјата на НБА кој во период од пет години успеа да реализира повеќе од 8.000 поени, повеќе од 4.000 скокови и над 3.000 асистенции.
An unprecedented five-year run for the Joker! 🃏🤯 pic.twitter.com/XurroxE8yH
— NBA (@NBA) March 28, 2024
Самите бројки звучат неверојатно и јасно говорат колку Јокиќ има постигнато во најсилната кошаркарска лига на светот. Исто така, овој рекорд е само уште еден доказ дека српскиот ас оди и кон третата титула за најдобар играч (МВП) во НБА лигата.
Во Западната конференција Денвер е на првото место (51-22), додека Феникс се наоѓа на седмата позиција (43-30).
НБА лига, резултати:
Шарлот – Кливленд 118:111
Орландо – Голден Стејт 93:101
Вашингтон – Бруклин 119:122 (по 1 продолжение)
Атланта – Портланд 120:106
Филаделфија – ЛА Клиперс 107:108
Торонто – Њујорк 101:145
Чикаго – Индијана 125:99
Мемфис – ЛА Лејкерс 124:136
Минесота – Детроит 106:91
Оклахома – Хјустон 126:132 (по 1 продолжение)
Јута – Сан Антонио 111:118
Денвер – Феникс 97:104
