Шокантен инцидент се случи во вторник попладне на пат во Омаха, Небраска, кога одеднаш се отвори дупка и „проголта“ два автомобила, објави НДТВ.

Како што може да се види на видео од Асошиејтед Прес, црвен автомобил и камионет чекаат на семафор. За неколку секунди, површината на патот попушта и двете возила тонат во земја.

Возачите на автомобилите успеале да се ослободат со помош на минувачи, додека според полицијата, нема повредени.

Во тек е истрага за причините за уривањето на патот, додека областа е блокирана од безбедносни причини.