Вечерва заврши победничката низа на Црвена ѕвезда во Евролигата. По пет последователни триумфи, „црвено-белите“ во жешка атмосфера во Белград го пречекаа Макаби Тел Авив, но израелскиот состав покажа цврстина кога беше најпотребно и од белградскиот „пекол“ си замина со минимална победа од 82-83.

Иако домаќините по одличната трета четвртина успеаја да го преземат водството, во последниот период целосно застанаа, па натпреварот влезе во драматична и неизвесна завршница. Во самите финишни секунди, „црвено-белите“ промашија три шута за победа, по што бодовите заминаа во рацете на гостите.

SOOOORKIIIIN!

What a move by @RomannSorkin to free himself up for a dunk! 😮‍💨#MotorolaMagicMoment @Moto | @MaccabiTLVBC pic.twitter.com/mGLuUYLDv9

— EuroLeague (@EuroLeague) February 6, 2026

Возбудувања имаше и во Франција, каде Асвел задоцни се разбуди во финишот, но во тесна завршница беше поразен од Милано со 76-77. Најубедлив настап  имаше Олимпијакос, кој пред својата публика го разби Виртус Болоња со убедливи 109-77.

Во првиот натпревар од денешната програма во европската кошаркарска елита, Анадолу Ефес забележа сигурна победа против Жалгирис од 92-82. За турскиот тим ова беше втора победа по ред, односно осма во сезоната, додека литванскиот претставник го запиша својот 12. пораз, со што направи чекор назад во борбата за плеј-ин.