ВИДЕО: Дончиќ го урна Сакраменто, па му испрати порака на Владе Дивац
Далас како гости го совлада Сакраменто со резултат 107:103 во НБА лигата, а натпреварот го одбележа потегот на Лука Дончиќ упатен кон легендарниот српски кошаркар Владе Дивац.
Словенецот си ја заврши работата на синоќешниот натпревар против Кингси, погоди две слободни фрлања за 107:103, а потоа реши да испрати интересна порака.
Дивац е поранешен генерален директор на Сакраменто Кингс. Имаше шанса да го избере Дончиќ на драфтот во 2018 година, но не го стори тоа.
Luka Doncic as he puts away the Kings tonight in Sacramento with his final free throw, then as the final horn sounds, waves goodbye to former Kings GM Vlade Divac seated courtside and says "he shoulda' drafted me." pic.twitter.com/6j26cLprxA
— Sean Cunningham (@SeanCunningham) March 30, 2024
Откако ги постигна клучните слободни фрлања против „кралевите“, Дончиќ се сврте кон легендарниот српски кошаркар и одејќи кон клупата извикувајќи: „Требаше да ме драфтува“.
Да потсетиме, на НБА драфтот за 2018 година, Дивац со вториот пик го избра Марвин Багли, кој е член на Вашингтон визардс и во просек бележи 13 поени по натпревар.
Дончиќ е еден од најдобрите кошаркари на денешницата. Тој синоќа постигна 26 поени, 12 асистенции и девет скока, а заедно со Никола Јокиќ е главен кандидат за МВП титулата.