Филмот „Хамнет“ важи за главен фаворит за наградата за најдобар филм на претстојната церемонија на „British Academy of Film and Television Arts“ (БАФТА). Потресната приказна за Вилијам Шекспир, неговата сопруга Агнес и смртта на нивниот син би можела да ги освои британските гласачи и да ги засени конкурентите „Една битка по друга“ и „Грешници“.

Акциската мрачна комедија „Една битка по друга“ на американскиот режисер Пол Томас Андерсон води со 14 номинации пред неделната церемонија, додека вампирскиот трилер „Грешници“ има најмногу номинации за Оскар.

„’Една битка по друга‘ е одличен филм, но ’Хамнет‘ едноставно изгледа како филм по мерка на БАФТА“, изјави Тим Ричардс, основач и извршен директор на „Vue Cinema Group“.

Тој додава дека ако „Хамнет“ ја освои наградата за најдобар филм, можно е Андерсон да ја добие наградата за најдобра режија или обратно, бидејќи БАФТА често ги дели главните признанија меѓу „два извонредни филма“.

Свечената 79-та церемонија ќе се одржи во недела вечер во Лондон, а водител ќе биде шкотскиот актер и ТВ-водител Алан Каминг.