Кошаркарите на Хувентуд ќе мора да почекаат на заверката на пласманот во четвртфиналето на Еврокупот. По трите победи во првиот круг, вечерва се поразени на гостувањето во Монако.

Тимот од француското кнежевство славеше со резултат 97:82, па така по четири одиграни кола во групата „Е“ од ова натпреварување, двете екипи се на идентичен ефект (3-1), пред Нантер (1-2) и Уникаха (0-3).

Но, Монако е во предност бидејќи вечерва победи со повисока разлика во однос на поразот пред една седмица во Бадалона (72:79).

Македонскиот репрезентативец Ненад Димитријевиќ одигра доста добар натпревар за шпанскиот тим истакнувајќи се како прв стрелец со 15 поени (1/1 за три, 3/7 за два и 6/7 за еден поен), дополни со четири скока, четири асистенции, исто толку загубени и една освоена топка за 26:34 минути игра на паркетот.

Во наредното коло, на 2. март, Хувентуд ја пречекува Уникаха во шпанската пресметка.

Nenad Dimitrijevic gets the steal + the bucket! ?@Penya1930 #7DAYSMagicMoment pic.twitter.com/V9FCWpKawF

— 7DAYS EuroCup (@EuroCup) February 2, 2021