Во НБА лигата кошаркарите на Денвер ја оправдаа фаворитската улога на гостувањето кај Портланд славејќи со конечен резултат 114:111. За Нагетси во составот поради повреди отсуствуваа првите ѕвезди Никола Јокиќ и Џамал Мареј.

Прв стрелец во победничките редови беше Реџи Џексон со 23 поени (пет асистенции), а на спротивната страна доминираше Австралиецот Дуоп Рит со 24 поени и осум скокови.

На табелата во Западната конференција Денвер е второпласиран (50-21), додека Портланд е на претпоследната 14 позиција (19-52).

Екипата на Бостон доминира на Истокот каде дојде и до 57 победа сезонава, деветта во низа, откако со 124:113 триумфираше над Чикаго.

Кај Селтикси се истакна Џејсон Тејтум со 26 поени (шест асистенции), а за Булси ДеМар ДеРозан со 28 поени, шест скокови и девет асистенции.

Бостон го има најдобриот учинок во НБА (57-14) и моментно прво место во Источната конференција, а Чикаго е на деветтата позиција (34-37).

НБА лига, резултати:

Орландо – Сакраменто 107:109
Атланта – Шарлот 132:91
Чикаго – Бостон 113:124
Хјустон – Јута 147:119
Сан Антонио – Феникс 106:131
Вашингтон – Торонто 112:109
Портланд – Денвер 111:114