ВИДЕО: Дејвис од МЗТ со најдобриот потег во плеј-офот на АБА2 лигата
МЗТ Скопје Аеродром по четири години се врати во АБА лигата, а тоа го направи на домашен терен пред своите навивачи на завршниот турнир откако го совлада Широки.
Денеска АБА лигата ги објави најдобрите пет потези од плеј-офот, а на првото место се наоѓа Хуан Дејвис од МЗТ.
Во Топ 5 листата се наоѓа уште еден играч на „металците“, станува збор за македонскиот репрезентативец Војдан Стојановски.
Во изборот се и играчот на Широки, Јосип Билоновац, Немања Протиќ од Златибор и Џош Канингем од Борац.
Да додадеме уште дека играчите на Петровиќ во домашниот шампионат триумфираа над Феникс 2010 со 92:68 за останување на првото место на табелата, сега со две победи повеќе во однос на главниот конкурент за титулата, Пелистер.