Денеска македонскиот атлетичар Дарио Ивановски беше првопласиран на полумаратонот кој се одржа во Дубровник, Хрватска.

Времето на нашиот натпреварувач по завршувањето на трката беше еден час, шест минути и 30 секунди, што е нов рекорд на патеката.

Во женска конкуренција најбрза беше Британката Јејли Карутерс со време од 1:24:14 ч.

На јубилејниот 10 полумаратон во Дубровник учествуваа нешто помалку од 3000 натпреварувачи од 55 земји, со вкупна должина од 21 километар.

Ова е продолжување на одличните настапи на Ивановски во својата кариера, потсетување, претходно овој месец Ивановски на маратонот во Белград, Србија, успеа да го освои второто место.