ВИДЕО | Честитка и од Мас: Во текот на овие три децении, вашата земја постигна големи достигнувања
Шефот на германската дипломатија, Хајко Мас упати честитка по повод Денот на независноста на Република Северна Македонија – 8 Септември.
– Упатувам честитки до граѓаните на Северна Македонија по повод 30 години независност! Во текот на тие три децении, вашата земја постигна големи достигнувања:
- Охридскиот рамковен договор ја претвори Северна Македонија во мирно мултиетничко општество.
- Со Преспанскиот договор поставивте модел за помирување за Вашиот регион и надвор од него.
- Врз основа на овој пробив, Вашата земја се приклучи кон НАТО и го започна својот пат кон европската интеграција.
- И во 2023 година, ќе преземете понатамошна меѓународна одговорност со претседавањето со ОБСЕ.
Драго ми е што Северна Македонија и Германија беа блиски пријатели и партнери уште од самиот почеток. Денес, нашите народи и нашите економии се тесно поврзани. И Германија останува цврст поддржувач на Вашиот пат кон членството во Европската Унија. Ние силно го поддржуваме словенечкото претседателство да започнат пристапните преговори со Северна Македонија, што е можно поскоро. Затоа што сме убедени: Иднината на сите шест земји од Западен Балкан лежи во Европската Унија.
Драги пријатели, во текот на последните 30 години, вашата земја го следеше патот на разумот, компромисот и – европскиот пат. Ве охрабрувам да продолжите по тој пат – Германија е подготвена да чекори со вас, вели Мас во видеопораката до македонскиот народ.
