ВИДЕО: Бурата „Фреди“ која носеше се пред себе, одзеде 60 човечки животи во Мозамбик и Малави
Тропската бура „Фреди“ во текот на викендот предизвика смрт на повеќе од 60 лица и повреди други десетици во Мозамбик и Малави, во вториот налет на истата бура што ја погоди јужна Африка во последниот месец.
Светската метеоролошка организација смета дека бурата „Фреди“ е една од најсилните што некогаш биле регистрирани на јужната хемисфера и може да биде најдолготрајниот тропски циклон.
#Malawi is again being battered by a cyclone/tropical storm. This time it’s #Freddy. People are losing lives, homes, crops and more. Malawi is losing its infrastructure and picking up the cost of the #ClimateCrisis. Harrowing footage from Chiramba. Donate: https://t.co/KSDTMweoXl pic.twitter.com/aVSiG1PIVu
— Chris Bunn (@Chris_Bunn) March 13, 2023
Таа го погоди центарот на Мозамбик во саботата. Голем број куќи останаа без покриви, а областа околу пристаништето Келиман доживеа големи поплави, по што бурата се упати кон Малави со поројни дождови што предизвикаа лизгање на земјиштето.
Целосниот обем на штетата и точниот биланс на жртвите, особено во Мозамбик, се уште не се јасни бидејќи нема струја или телефонски сигнал во делови од погодената област.
Бројот на загинати од циклонот „Фреди“ во Мозамбик, Малави и Мадагаскар, откако за првпат дојде на копното минатиот месец, сега изнесува приближно 100.
11 people dead and 16 missing after tropical storm Freddy brings torrential rains to Malawi — Police pic.twitter.com/siVM78ocPH
— TRT World Now (@TRTWorldNow) March 13, 2023
Гај Тејлор, официјален претставник на УНИЦЕФ во Мозамбик, во Келиман изјави дека хуманитарните служби немаат доволно капацитет да се справат со последиците од вака голема катастрофа.
Во последните четири недели, Мозамбик имаше врнежи како за цела една година.
🇲🇿 More than 60 people are killed when Tropical Storm Freddy hits Mozambique and Malawi. pic.twitter.com/nkEgHevDkw
— Aprajita Choudhary 🦋 (@aprajitanefes) March 13, 2023
Малави се бори со најсмртоносната епидемија на колера во својата историја, а агенциите на ОН предупредија дека ситуацијата може да се влоши.